Best of 2012 and Hello 2013

Salamat sa taong nagdaan (2012) para sa mga magagandang nangyari sa akin. Sa mga bagay na hindi magandang nangyari salamat din sapagkat natuto ako sa mga bagay na yun.

Pero isasahin ko mga natatanging kagananapan na nanganap sa buhay ko nitong nakaraang 2012.

• Napermanente ako sa trabaho at isa ito sa maagang pabirthday! At dahil dyan salamat po Lord sa dagdag pangkabuhayan showcase.
• Bumisita si Ate dito sa bayan ni Merli at nagpunta kami ng KL bago sya bumalik ng Dubai.
• Solong pumunta sa Phuket upang ipagdiwang ang aking kaarawan.
• Bintan, Indonesia para ipagdiwang ang muli kaarawan kasama ang mga kaibigan ko na nagdiwang din ng kanila kaarawan.
• Umuwi ng Pinas para makita ang aking ama na hindi ko nakita sa loob ng 2 taon.
• Mga bagong inaanak.
• Palawan trip na hanggang ngayon hindi ko pa napost ang pictures.
• Pagdalaw ni Anie sa Singapore bago pumunta ng Dubai.
• Bagong himlayan para kay Mama, Tatay at Nanay
• Ang makatulong sa ibang tao at maishare ang biyayang natanggap.

At sa bagong taon na 2013 dalangin ko ang isang masaganang taon para sa akin at sa aking pamilya upang maipagpatuloy ko ang aking mga nasimulan. Nawa'y maging matatag pa lalo ako sa mga pagsubok na aking kakaharapin. 

Maligayang Bagong Taon sa inyong lahat!

Salamat Lord

Marami akong dapat ipagpasalamat sa taong 2011, ito ay ang mga sumusunod:

• Dahil walang nagkakasakit sa pamilya ko at mas lalong matatag ang aming pagsasama kahit watak watak kami.
• Natapos na ang therapy ko noong February at wala na akong tililing sa utak. Kay may ok sa doctor ko na lumipad na ako sa bayan ni Merli at hanapin ang aking kapalaran.
• Nakipagsapalaran ako ako dito Singapura nng buwan ng Abril at sa buwan ng Mayo nagkaroon ako agad ng una kong trabaho.
• Sa pagpunta ko dito sa Singapura nagpapasalamat din ako sa mga bago kong kaibigan, na minsan sila ang natatakbuhan ko sa lungkot at saya. Maraming salamat sa inyo. :)
• Buwan ng Hulyo buwan ng Birthday ko nakatanggap ako ng mabuti balita na ako ay natanggap sa trabaho mas higit na mas maganda sa nauna. Laking pasalamat ko uli at naaprubahan ang pass ko sa bagong trabaho. At buwan na ng Agosto ako nagsimula sa kanila.
• Natupad ko na din ang pangarap ko na makapag-enroll ng Master's Degree kahit ito ay via Distance learning program.
• Sa mga biyayang laging dumadating sa aming pamilya araw-araw, maraming-maraming salamat po.
• Sa bawat pag gabay sa mga suliranin na dumating sa amin dahil pinanatili nyo pong matatag kami.

Sa darating na taong 2012 nawa po'y bigyan nyo pa rin po kami ng sapat na biyaya araw-araw at ilayo sa anumang uri ng sakit o karamdaman. Maraming maraming salamat po sa mga darating pa! :)

2011-82099

Finally nakapag-enroll na din. Wala lang nga ako sa campus pero ok lng at least matutupad ko na ang gusto kong magkaroon ng Master's degree.

Akala ko hindi ako matatanggap kasi hindi naman ako magaling gumawa ng essay sinigurado ko lang na 500 words lang contents at may isang 5 pa sa transcript ko.

Pero at least thankful pa din ako at natanggap.

Buhay estudyante will start next month.

Published with Blogger-droid v1.7.4

Nagbabalik

Matagal-tagal na din pala akong hindi nagsusulat dito sa blog ko. Kinukulit na nga ako ng dalawa kong malapit na kaibigan at masugid na taga-subaybay na buhayin ko naman daw ang  natutulog kong puso este blog pala. Kaya heto naisipan ko na muling magsulat ng walang kakwentang kwentang bagay.

 

Halos 3 buwan na din simula nung magsimula ako sa bago kong trabaho dito sa bayan ni Merli. Dito sa nilipatan kong trabaho mas madaming tao at syempre madami ding pakikibagayan. Sa loob loob ko mas ok na yun kesa naman mapanisan ako ng laway.

Busy busyhan ang drama ko nung nagsimula ako sa trabaho ko. paBibo epek lang para naman malaman ng boss kong tumanggap sa akin na dedicated ako sa trabaho ko at hindi sya nagkamali ng sa pagkuha sa akin. Gusto kong maging permanent sa trabaho ko at kahit may topak ang nagtuturo sa akin sa trabaho.

Sa pananahimik ko din sa mundo ng blog madami din nangyari sa buhay ko at blessings na dumating.

Promote lang, excited na ako sa kris kringle ng mga PInoy-SG bloggers dito sa SG syempre. Binuhay ko ang blog ko baka hindi nila ako isali kasi matagal na nahimlay ang blog ko.hehehe…

Sa mga bumibisita sa blog ko, salamat. Sya nga pala wala ng part 2 yung instagram pics ko. ;)

Blessings